على هامش احتفالات رأس السنة الجديدة في فندق Palazzo Versace Dubai، تحدثت سيرين عبد النور لـ ET بالعربي كاشفةً تفاصيل دقيقة عن مسلسلها المرتقب "كذبة سودا"، من تغييرات كبيرة في فريق العمل إلى قرار تأجيل عرضه بعد رمضان 2026.


"ما في مشاكل كبيرة وما بتنحل.. وكل اللي صار لمصلحة العمل"
سيرين أوضحت أن ما حصل لم يكن أزمة بقدر ما هو إعادة ترتيب داخل فريق العمل، قائلة: "ما في مشاكل يعني كثير كبيرة وما بتنحل… صار في مثل كأنه أشخاص كانوا مأخرين بشغلهم تبدلوا بأشخاص ثاني، رجعوا أشخاص رجعوا على الشغل، وهيدا الشيء كله لمصلحة العمل مع احترامي الكبير للجميع."

وأضافت أملها بالاجتماع مجددًا مع محمد الأحمد ومع مهيار خضور في عمل آخر، مؤكدة أن الأبواب ما زالت مفتوحة للتعاون مستقبلاً.


عن تأجيل العرض: "يمكن برا رمضان يعمل ضجة أكبر"
حول خروج المسلسل من سباق رمضان 2026، قالت سيرين: "لا تكره شيء لعله خير… يمكن إنه ما كان موجود على رمضان، يمكن برا رمضان رح يعمل ضجة بعد أكبر وأكبر."

ورغم حبها للمنافسة، شددت على أن الأهم هو تقديم عمل متكامل: "الأحسن اليوم نفوت على عمل يكون كامل متكامل من ناحية الكتابة، والمخرج يكون عارف حاله، والمنتج كمان وعارف يبيع على أي تلفزيونات."

عن الشخصية في كذبة سودا
وعن ملامح الشخصية التي تقدمها، كشفت سيرين: "الشخصية هي حدا بالحياة… نحن كلنا بنكون مناح بس ظروف الحياة بتوجهنا نروح أماكن يمكن العالم يقولوا عنا منافقين أو شريرين."

وتابعت واصفة الصراع الإنساني داخل العمل: "بتصيري بمطرح ما بتعودي عارفة شو بدك تعملي… مع قصص الحب، العلاقات الاجتماعية، ومع العائلة، وكيف هالمرأة تحل كل هالتفاصيل وهي محطوطة بظرف صعب."



نصيحة سيرين لعام 2026: "ما بقى بآمن بفكرة عشرة العمر"
بصراحة لافتة، تحدثت سيرين عن الثقة والعلاقات، قائلة: "أنا أبداً ما بقى بآمن بفكرة عشرة العمر… المواقف بتبين معدن الأشخاص من الصداقة للعيلة."

وأضافت: "ما عندي ثقة كاملة بالأشخاص… وهيدا نصيحة بنصحها لكل الناس بالـ2026: ما يديروا ظهرهم بثقة كاملة لأي شخص."